6 Ved kyrkjegardsmuren

Måleriet ”Ved naustet” frå 1866 ser ut til å ha henta motiv frå fjæra vest for kyrkja. Her ser vi Olsetlandet til venstre og Prestøyna til høgre. Namnet Prestøyna kjem av at øya låg under prestegarden. Her budde dampskipsekspeditøren i Askvoll, Bertel Zitzelau. I byrjinga stoppa dampskipa ved den gamle handelsstaden Sauesundet på Atløy, men i 1861 fekk Bertel kommunestyret med på å flytte stoppestaden over til hi sida av Granesundet. I mange år blei dampskipa borda med småbåt. Først i 1880-åra fekk Askvoll dampskipskai på Røysetneset (Nyborg).