5 Kleshengarfabrikken

Oppe i åsen ser du no inntakskammeret og røyrgata, her kom vatnet ned til kraftstasjonen. Det er mogleg å gå heilt opp til inntakskammeret. I seinare tid er det bygt trapper det siste stykket. I dette raude huset her heldt det til ei spesiell bedrift, drive av Alsaker – ein kleshengarfabrikk. Spesiell også på den måten at det var ein arbeidsplass for kvinner – uvanleg på den tida. 7-8 tilsette unge damer laga kleshengarar av tre som vart selde vidt og breitt, også i utlandet. Ein liten knekk midt på hengaren gjorde at ryggen på jakka vart godt utstrekt, og sidan dress som nemnt var arbeidstøy for mange, så var dette ein viktig kvalitet. Det brune huset rett bak fabrikken er i dag ein middelalderpub, Hønsehagen, som har vore vitja av fleire store artistnamn.